晨早5點幾收到二家姐既電話: 我要生la!!!

全家以最高既速度飛去醫院

小b女仲要係肚入面玩多陣先

搞到我地係醫院由6點等到11點先出世

小公主姨甥b出世la~~~

係產房推去嬰兒房果陣, 見到一個又白又紅既小肥豬

眼仔碌碌甘周圍望黎望去

一時又玩手指, 一時又拎塊布摭住自己, 奀皮到極!!!

夜晚等二家姐同小b女休息好, 又可以見面la

小b女見人地喊, 自己又喊埋一份, 冇執輸

佢就用最大既口甘大聲喊, 喊累左就玩下口水, 慢慢訓著左

望住佢訓得好甜既樣, 真係好想即刻抱起佢

小b女, 姨姨錫晒你